Barcelona është përpjekur të realizojë një sërë shitjesh këtë verë, pasi kërkon t’i japë vetes hapësirë për sa i përket kufirit të pagave.
Megjithatë, “Blaugranët” ende nuk kanë bërë një shitje të vetme që u sjell atyre para këtë verë.
Mesfushori nga Bregu i Fildishtë raportohet se tashmë është gati të pranojë një largim nga Barcelona, pasi ka mbetur i zhgënjyer nga sjellja rreth tij.
Në veçanti, kjo përfshin trajnerin Xavi Hernandez, i cili ishte një nga arsyet kryesore që Kessie iu bashkua Barcelonës në radhë të parë, por tani marrëdhëniet mes tyre janë në nivelin më të ulët.
Sipas “Relevo”, 26-vjeçari kohët e fundit refuzoi një ofertë nga Arabia Saudite. Për të edhe Juventusi ka shfaqur interesim, por ai thuhet se dëshiron të presë dhe të shohë nëse Tottenham Hotspur do të lëvizë për të.
Kessie me Barçën ka kontratë të vlefshme deri në verën e vitit 2026. Bazuar në “Transfermakt”, ai vlerësohet në treg me 25 milionë euro.
