Futbollisti shqiptar, Visar Musliu, ka pasur një debutim të keq me ekipin Paderbornit në Bundesliga II, ku u ndëshkua me karton të kuq në minutën e 8-të në përballjen me Greuther Furth.
Skuadra e Paderbornit pësoi humbje të thellë me rezultat 5:0 nga Greuther Furth, në hapje të edicionit të ri.
Komisioni Disiplinor i Federatës Gjermane ka vendosur që të pezullojë Visar Musliun për tre ndeshjet e ardhshme.
Kjo do të thotë se Musliu do të mungojë në ndeshjet kundër Osnabruck, Energy Cottbus në Kupë dhe ndaj Fortuna Dusseldorf.
Musliu u transferua nga Ingolstadt në Paderborn gjatë kësaj vere.
