Në Barcelonë e kanë të qartë. Prioriteti absolut pas largimit të Ousmane Dembélé, në pritje të konfirmimit zyrtar të transferimit të tij te PSG, është nënshkrimi i Bernardo Silva (28 vjeç), nga Manchester City.
Mesfushori portugez është dëshira e madhe e Xavit dhe, siç ka mësuar “Mundo Deportivo”, tashmë operacioni ka nisur me “OK” e presidenti Joan Laporta, Mateu Alemany dhe Deco, të cilët janë vënë të gjithë në punë. Në fakt, dosjet e tjera janë “parkuar” për t’u fokusuar tek ajo e Bernardo Silvës, e cila do të kushtëzojë pjesën tjetër të merkatos.
Burime nga ky operacion konfirmojnë se Barça po kërkon formulën për të bindur Manchester City, pasi futbollisti i përfaqësuar nga Jorge Mendes është më shumë se i joshur. Bernardo Silva do të ishte i lumtur t’i bashkohej Barçës dhe është i gatshëm të shtyjë në mënyrë që klubi anglez t’i hapë derën atij.
Nuk do të jetë e lehtë, por si Barcelona ashtu edhe futbollisti portugez kanë besim se Pep Guardiola do ta mbajë fjalën. Trajneri katalanas i City i premtoi lojtarit të tij se do ta linte të largohej për sa kohë të vinte një propozim i fuqishëm. Bernardo Silva është një nga futbollistët më të rëndësishëm për Pep.
Lojtari e di këtë dhe i është shumë mirënjohës trajnerin katalanas, me të cilin ka bërë hapin cilësor që i duhej për t’u bërë një mesfushor ‘top’ i klasit botëror. Barcelona është një dëshirë e Bernardo Silvës që vjen nga larg, që kur ishte fëmijë dhe dëshironte të ishte si Messi, Xavi apo Iniesta. Ai dëshiron vetëm të largohet nga City për të shkuar te Barça dhe kjo është arsyeja pse ka refuzuar ofertat nga Arabia Saudite dhe, këtë javë, nga PSG.
Në këtë kuptim, trajneri i ‘qytetarëve’ e ka ditur tashmë dëshirën e Bernardos që në sezonin 2021-2022, por Barça nuk paraqiti një ofertë zyrtare as verën e kaluar. Tani ambienti i lojtarit pret që katalanasit të lëvizin më mirë dhe të hyjnë në një negociatë formale me Manchester City. Ata sigurojnë që nëse ka para, ka mundësi për ta veshur atë blaugrana.
Me ardhjen e Bernardo Silvës, në Barcelonë e kanë të qartë se skuadra do të përmirësohej pavarësisht largimit të Dembélé. Ata e konsiderojnë portugezin një lojtar shumë më “klinik” në momentet e mëdha dhe me më shumë ndikim në lojë. Ai nuk ka aq shumë shpejtësi, por kontribuon në më shumë gola dhe asiste.
Nga ana tjetër, si klubi i Barcelonës, ashtu edhe lojtari janë të vetëdijshëm se kjo situatë nuk duhet të zgjasë shumë.
Me kërkesë të shprehur të Bernardo Silvës. Nga njëra anë, sepse nuk dëshiron të përsëritet situata e dy verave të fundit. Ai i kërkon Barçës gjeste dhe seriozitet. Dhe duhet të veprojë shpejt, sepse nuk do të mbetet pezull deri në fund të verës.
Edhe pse ai është i gatshëm të flasë me Guardiolën për të insistuar në dëshirën e tij për të shkuar te Barça, portugezi ka respekt të plotë për klubin e tij aktual. Ai e di që duhet të lëvizë tani në mënyrë që Manchester City të dalë në treg për t’i gjetur një zëvendësues, nëse e lënë të largohet.
Edhe për këtë arsye Barça ka përshpejtuar largimet për t’u fokusuar në këtë operacion të komplikuar. Këtë herë katalanasit janë seriozë dhe duan t’ia vërtetojnë Bernardo Silvës.
