Tottenham Hotspur ka transferuar sulmuesin argjentinas Alejo Veliz nga Rosario Central si dhe qendërmbrojtësin holandez Micky van de Ven nga Wolfsburg.
Për lëvizjet ka njoftuar skuadra angleze të të martën, duke bërë të ditur se bëhet fjalë për marrëveshje gjashtëvjeçare.
Derisa për argjentinasin "Spurs" ka paguar rreth 17 milionë euro, për holandezin ka derdhur në llogari të skuadrvs gjermane 34.5 milionë funte.
Veliz i bashkohet skuadrës angleze pasi bëri gjashtëdhjetë e dy paraqitje dhe duke shënuar nëntëmbëdhjetë gola në të gjitha garat për Rosario që nga debutimi i tij në vitin 2021, ndërsa Van de Ven u transferua në Wolfsburg në vitin 2021, duke bërë dyzet e një paraqitje për skuadrën e Bundesligës në të gjitha garat.
Veliz do të mbajë fanellën me numrin 36, ndërsa Van de Ven numrin 37.
Nënshkrimet e sotme të skuadrës së drejtuar nga Ange Postecoglou pasojnë ato të James Maddison, Pedro Porro, Guglielmo Vicario, Manor Solomon dhe Ashley Philips.
Tottenham nis të dielën garën në Premier League duke luajtur si mysafir i Brentfordit.
