Sirenat arabe nuk shuhen për Victor Osimhen, në qendër të një intrige merkatoje mes rinovimit të mundshëm me Napolin (dje u zhvillua takimi i shumëfishtë me agjentin e tij Roberto Calenda) dhe presionit të Al Hilal.
Siç është raportuar nga TuttoMercatoWeb.com, klubi saudit është gati të rrisë ofertën për qendërsulmuesin nigerian deri në 180 milionë euro.
Shkurtimisht, çështja Osimhen-Al Hilal nuk ka mbaruar aspak. Për të mbrojtur veten, klubi blu tashmë ka bllokuar Jonathan Davidin, i cili ashtu si afrikani do të vinte nga Lille.
Aurelio De Laurentiis tashmë ka një marrëveshje me sulmuesin kanadez dhe nëse ai do të pranonte ofertën nga Arabia Saudite për Osimhen, ai do të fillonte sulmin vendimtar dhe mund te arrinte nje akord me Lille per nje shifer 60 mln euro dhe bonuse.
Sakaq, këto janë orë vendimtare për të ardhmen e Piotr Zielinskit, i cili po largohet gjithnjë e më shumë nga Napoli. Dje më 8 gusht ka pasur kontakte me arabët e Al Ahlit për të vazhduar negociatat.
Futbollisti polak do ta kishte kuptuar tashmë se duhet të largohej dhe sot (e mërkurë 9 gusht) mund të jetë dita vendimtare për ok definitiv të transferimit të Piotr Zielinskit. Kështu shkruan në faqen e tij Gianluca Di Marzio, gazetar i Sky Sport.
Sakaq, talenti i Celta Vigo, Gabri Veiga ka pranuar Napolin dhe De Laurentiis ka rritur ofertën e tij me 2-3 milionë krahasuar me 30 që i janë ofruar fillimisht Celta Vigos të hënën.
Nuk ka ende një marrëveshje përfundimtare por klubet po vazhdojnë të negociojnë me kontakte të reja që priten shumë shpejt. Kjo është bërë e ditur nga eksperti i tregut Fabrizio Romano.
