Ballkani i jep mbështetje Suharekës
Kampioni i Kosovës, Ballkani i ka dhënë mbështetje klubit të ri, që vjen nga e njëjta Komunë, FC Suhareka.
Presidenti i klubit Portokalli, Arsim Kabashi, i ka vizituar sot drejtuesit e klubit të ri, të cilëve u premtoi përkrahje në rrugëtimin e nisur, ndërsa iu uroi suksese në sezonin që po fillon.
Ballkani i premtoi hapësirë edhe në stadium klubit të ri, FC Suhareka, me shpresën që kjo Komunë të ketë të ardhme të sigurt me sportistë.
Suhareka është treguar ambicioze dhe e synon ngjitjen në Superligën e futbollit.
Ndërkohë, Ballkani do të luajë sonte në rrethin e tretë kualifikues të Ligës së Konferencës kundër ekipit nga Gjibraltari, Lincoln Red Imps FC në stadiumin “Fadil Vokrri” në Prishtinë duke filluar nga ora 20:45.
