Malisheva ka njoftuar zyrtarisht transferimin e mbrojtësit Arbër Prekazi, i cili në sezonin e fundit luajti te Gjilani.
Klubi nga “Liman Gegaj” ka njoftuar nënshkrimin me Prekazin në ditën e ndeshjes së parë të sezonit 2023/24 në Albi Mall Superligën.
Është vet Malisheva që ka njoftuar transferimin e Prekazit me anë të një postimi në faqen zyrtare, duke mos treguar kohëzgjatjen e kontratës.
"Qendërmbrojtësi Arbër Prekazi nënshkruan me FC Malishevën
Prekazi është transferuar nga SC Gjilani, njëra nga transferimet më të rëndësishme, duke e forcuar edhe më shumë vijën e mbrojtjes.
Përvoja e tij dhe aftësia udhëheqëse janë aset i paçmueshëm për skuadrën tonë.
Arbërit i urojmë mirëseardhje dhe i dëshirojmë suksese në synimin tonë të përbashkët", njofton FC Malisheva.
