Kylian Mbappe ka refuzuar ofertën e fundit për rinovimin kontratës të Paris Saint-Germain, duke pasuruar kështu me një tjetër kapitull telenovelën që ka lidhje me të ardhmen e tij.
Një ofertë iu bë Mbappe të mërkurën nga kampionët në fuqi të Ligue 1 me shpresën për ta bërë sulmuesin të angazhohet për klubin pasi u rikthye në ekipin e parë javën e kaluar.
Sipas GOAL, Mbappe refuzoi propozimin e fundit që i ishte bërë nga PSG, por Real Madridi është në pritje të një “drite jeshile” që do t’i lejonte ata të hynin në bisedime për lojtarin.
Carlo Ancelotti e ka përjashtuar më parë një lëvizje për Mbappe në merkaton aktuale pasi PSG vendosi një çmim rekord për sulmuesin 24-vjeçar.
Vendimi i fundit i Mbappe e ka vënë PSG-në me shpatulla pas muri, pasi francezi mund të largohet me kosto zero kur marrëveshja e tij aktuale të skadojë në fund të sezonit 2023/24.
