RB Leipzig-Stuttgart ngritën “siparin” e javës së dytë të Bundesliga, në një ndeshje që rezultoi të dhuronte gjashtë gola.
Leipzig merr fitoren e parë të sezonit dhe atë e bën me një super rezultat, 5-1, në shtëpi ndaj Stuttgart.
Ishin miqtë ata që gjetën të parët rrugën drejt rrjetës, duke shënuar me Guirassy në minutën e 35’ dhe duke bërë që pjesa e parë të mbyllej me rezultatin 0-1.
Fraksioni i dytë do të sillte një panoramë tjetër, pasi në minutën e 51’ Henrichs barazoi për vendasit.
Vetëm dy minuta më pas rrugën drejt rrjetës e gjeti Openda, por pas verifikimit në VAR ai gol u anulua për pozicion të parregullt.
Megjithatë në minutën e 63’ Olmo kaloi ekipin e tij në avantazh, teksa tre minuta më pas Openda realizoi golin e tretë për RB Leipzig.
Në minutën e 74’ rrugën drejt rrjetës e gjeti Kampl, i cili shënoi golin e katërt për vendasit, ndërsa në minutën e 76’ Simons vulosi këtë sfidë.
Pas javës së dytë RB Leipzig, momentalisht, renditet në vend të dytë me 3 pikë, ndërsa Stuttgart pozicionohet në vend të pestë po me tre pikë.
