Trajneri i Malishevës, Senad Alirifa ishte shumë i zhgënjyer me humbjen e pësuar nga Prishtina sot (e shtunë) pasdite.
Prishtina mposhti rezultat 3-1 Malishevës në ndeshjen e vlefshme për javën e tretë të Albi Mall Superligës dhe kjo nuk i pëlqeu aspak trajnerit të mysafirëve.
Pas ndeshjes, Alirifa tha se Prishtina e deshi më shumë fitoren, fitoi me meritë dhe ai nuk ishte aspak i kënaqur me lojën e lojtarëve të tij.
“Nuk jam i kënaqur as me rezultatin dhe as me lojën”, ka thënë fillimisht Alirifa pas ndeshjes.
“Në pjesën e parë kemi shfaqur pasiguri dhe kemi gabuar shumë.
Në pjesën e dytë u munduam ta rifreskojmë ekipin, por një gjë të tillë ia arritëm deri diku”.
“Zhvilluam ndeshje të dobët. Duhet parë se ku kemi gabuar. Prishtina me meritë fitoi ndeshjen.
E deshi më shumë fitoren”, përfundoi trajneri i Malishevës.
