Kevin De Bruyne është ndalur nga një dëmtim që pësoi në ndeshjen hapëse të Premier League.
Kapiteni i Manchester City-t doli duke çaluar në ndeshjen kundër Burnley-t të Vincent Kompany dhe pritet të jetë jashtë për të paktën tre muaj.
Belgu, i cili ka qenë lojtari më i mirë i kampionatit në sezonet e fundit, do të duhet ta dorëzojë skeptrin e tij për shkak të natyrës seriozetë dëmtimit.
De Bruyne u vu në detyrë për të zbuluar se kush tjetër, sipas tij, ishte mesfushori më i mirë në Premier League dhe çuditërisht ai zgjodhi Bruno Fernandes të Manchester United.
“Unë mendoj se ai është një makinë krijuese. Unë mendoj se ai është gjithmonë aty. Ai e ka bërë këtë për një kohë të gjatë. Ai gjithashtu merr shumë rreziqe, dhe mua më pëlqen. Natyrisht, ai ka bërë shumë mirë,” tha ai në një intervistë për Sky Sports.
Lojtari portugez ka qenë një nga më të mirët të United dhe së fundmi u shpërblye me shiritin e kapiteni-t nga trajneri Erik ten Hag.
De Bruyne duhej të zgjidhte të preferuarin e tij nga një grup prej tre lojtarësh, ku përfshihej edhe Martin Odegaard i Arsenal-it dhe ylli i ri i Tottenhamit, James Maddison.
Ai e renditi kapitenin e Arsenalit në vendin e dytë, ndërsa kërkoi më shumë kohë për të parë Maddison në një klub të madh përpara se të jepte verdiktin.
