Xavi e lë në stol sulmuesin 20-vjeçar, Chelsea kërkon ta marrë në formë huazimi!
Sulmuesi spanjoll Ansu Fati mund të përfundojë te skuadra e Chelsea këtë sezon.
Lojtari nuk po gjen hapësira te skuadra e Barcelona, me të cilën ka një kontratë deri në vitin 2027. I riu Lamine Yamal është aktiziuar si titullar nga trajneri Xavi ndeshjet e fundit, duke i mbyllur derën Ansu Fati.
Për këtë arsye, sulmuesi 20-vjeçar mund të zbarkojë në Premier League këtë sezon.
Skuadra e Chelsea, duke parë problemet në sulm, kërkon ta marrë talentin spanjoll në formë huazimi deri në fund të sezonit. Duke qenë se edhe Barcelona nuk kërkon ta shesë, formula e huazimit mund të jetë zgjidhja më e mirë për të gjitha palët.
Te Chelsea, sulmuesi spanjoll do të ketë më shumë mundësi aktivizimi, ndaj dhe palët kanë nisur të diskutojnë për modalitetet. Një transferim që lindi orët e fundit dhe që mund të mbyllet shumë shpejt, ndonëse pritet edhe miratimi nga ana e lojtarit, që ka deklaruar se preferon të qëndrojë në Barcelonë.
