Dardan Vuthaj është futbollisti më i ri i Crotones në Serinë C italian.
Sulmuesi shqiptar ka firmosur një kontratë 1 vjeçare me klubin italian, me opsion rinovimin për një tjetër vit.
Futbollisti është prezantuar zyrtarisht nga klubi, teksa kalon nga ekipi i Foxhias. “Jam këtu për ju”, ishin fjalët e para të Vuthajt me fanellën e Krotones, teksa shpreson që me skuadrën e re të ngjitet në Serinë B.
Vuthaj luan prej disa vitesh në Itali, kryesisht në kategoritë e ulëta, teksa ka bërë emër sidomos me skuadrat e Serisë C dhe D. Ai u kthye në një emër shumë të përmendur në Itali dy sezone më parë, kur shënoi 35 gola në Serinë D me Novarën.
Disa vite më parë, ai provoi edhe të luante në kampionatin shqiptar duke iu bashkuar ekipit të Laçit, por pa shumë sukses pasi u largua pas vetëm një edicioni.
