Franko Baresi, zëvendëspresidenti i nderit te Milani, ka folur për “Sky Sport” për shortin e kuqezinjve.
“Është gjithmonë e vështirë të nisesh nga vazoja e tretë ose e katërt.
Është një grup kërkues, konkurrues, por mendoj se është mirë të luajmë kundër këtyre skuadrave, të kemi këtë aspiratë.
Milani është Milani, ne mund të konkurrojmë me të gjithë dhe duhet të jemi gjithmonë ambiciozë dhe të besojmë se mund t’ia dalim dhe t’i mposhtim këta kundërshtarë”, tha Barezi, që më pas u ndal te përballja me Tonalin.
“Më vjen keq që e takojmë menjëherë, por mendoj se do të ketë pritjen që meriton.
Kujtimi i tij është ende shumë i gjallë dhe sigurisht që do të ketë mirëpritjen që meriton”.
Mbi ambiciet e Milanit, italiani tha: “Milani ka një ekip që mund të konkurrojë. Ne kemi përvojë, lojtarë cilësorë dhe nuk duhet të harrojmë atë që kemi bërë në dy vitet e fundit.
Është një grup i rëndësishëm dhe konkurrues, por mendoj se as të tjerët nuk janë të lumtur që na kanë në grup”.
