Neptun Bajko ishte i ftuar në episodin e parë të “Soccer Talk Podcast“, i drejtuar nga Skënder Gega. Ish-trajneri i njohur ka treguar lojtarët më të mirë në historinë e futbollit shqiptar, ndëra të cilët veçon Skënder Halilin, Panajot Panon dhe Refik Resmën.
Bejko gjithashtu vlerëson edhe goditjet nga distanca të Ledio Panos, të cilat i krahason edhe me gjuajtjet e Platinisë.
“Goditjet që ka pasur Ledio (Pano), rrezik i ka edhe tani, nuk i ka pasur edhe Platinija, që e kam parë vetë.
Dy janë për mua, që janë mbi nivelin e të gjithë të tjerëve në futbollin shqiptar. Janë Skënder Halili dhe Panajot Pano.
Ndër këta, vlerësoj shumë edhe Refik Resmën. Atëherë nuk flitej për gjë tjetër përveç Refikut. Erdhi Panajoti që i hoqi vëmendjen”, ka thënë Neptun Bajko.
