Shqipëria luan të enjten një takim të rëndësishëm për objektivin e kualifikimit në Euro 2024, kompeticion që do të zhvillohet në Gjermani.
Kuqezinjtë e Sylvinhos përballen me Çekinë në Pragë, duel që do të transmetohet në SuperSport 2, duke nisur prej orës 20:45.
Në transfertën çeke nuk do të mungojnë tifozët shqiptarë. Grupimi Tifozat Kuq e Zi nuk mungon kurrë në mbështetje të kombëtares.
Me anë të një postimi në faqen zyrtare, TKZ lajmëron nisjen e grupit të parë drejt kryeqytetit çek.
“Grupi i parë nga nëna Shqipëri u nis. Shkojmë kudo, s’e ndalim hapin!”, lexohet në postimin e ultrasve shqiptarë.
Në stadiumin “Fortuna Arena” pritet të marrin pjesë shumë tifozë kuqezi. Përveç sektorit të tifozerisë mike, shqiptarë do të ketë edhe në pjesë të tjera të stadiumit.
Me shumë tifozë shqiptarë që kanë pasaportë të huaj që kanë blerë biletat për të mbështetur nga afër lojtarët e Kombëtares.
Me shpresën për të festuar një rezultat pozitiv. Shqipëria renditet në vendin e dytë të grupit E. Me 6 pikë të grumbulluara në tri ndeshjet e para.
Ndërkohë, të dielën e 10 shtatorit zhvillohet takimi i radhës. Kundër Polonisë në “Air Albania”, në të njëjtën orë..
