Kapiteni i Zvicrës, Granit Xhaka, me padurim e pret ballafaqimin e nesërm (20.45) me kombëtaren e Kosovës, në takimin e xhiros së pestë të Grupit I të kualifikueseve për Kampionatin Evropian në futbolli.
A është nervoz Xhaka?
“Unë nuk jam nervoz", - sqaron ai.
Për sa i përket emocioneve të lojës, Xhaka e vendos ndeshjen e nesërme në të njëjtin nivel me përballjen me Shqipërinë në Europianin e vitit 2016. Në atë kohë Graniti përballej me vëllain e tij të madh Taulantin.
“Kjo lojë është në të njëjtin nivel me Shqipërinë e vitit 2016”, thotë Xhaka në konferencë për shtyp.
Xhaka thotë se mban kontakte me lojtarët e kombëtares së Kosovës. Ai është veçanërisht mik i ngushtë me Milot Rashicën, i cili është nën kontratë me Besiktashin.
I pyetur për emocionet e tij para ndeshjes, ai tha: “Është një moment i veçantë për mua dhe gjithë familjen time”. Për të, asgjë nuk mund të krahasohet me këtë lojë.
