“Ndoshta më vonë nëse dëshironi, mund të flasim pak për historinë e Derbit, por fillimisht më lejoni t’i dërgoj një mesazh si tifoz Simone Inzaghit…”.
“Unë do ta aktivizoja Frattesi-n të shtunën nga minuta e parë! Është shumë në formë për ta nisur ndeshjen nga stoli…”.
Massimo Moratti është presidenti i përjetshëm për ata që e duan Inter-in.
Ai nuk është vetëm njeriu që fitoi Triplete-n. Është gjithashtu, në mos mbi të gjitha, simboli i një dinastie që i dha Inter-it zemër, gëzime dhe shumë… para.
“Ah, sigurisht, nuk ishte falas, emocioni zikaltër. Por nuk u pendova që shpenzova për Interin, as babai im nuk e bëri”.
– A do të shohim përsëri një president Moratti?
“E di, herë pas here gruaja ime me shaka më sugjeron: kur do ta rimarrësh të dashurën tënde?”
– Dhe si reagoni ju?
“Shikoni, duke lënë ndjenjat mënjanë, nuk është më e mundur. Bota ka ndryshuar, për të gjithë. Pastaj tani kanë ardhur edhe sauditët, të cilët kanë praktikisht burime të pafundme”.
– Çfarë mendoni për Simone Inzaghi-n?
“Këtu po flas vetëm si tifoz. Unë nuk shkoj shumë në stadium, shoh gjithçka në TV. Më pëlqen se si e bën ekipin të luajë. Nëse e aktivizon Frattesin në derbi, betohem se do ta pëlqej edhe më shumë”.
– Milani gjithashtu po luan mirë.
“Në fakt, një derbi si ky është emocionues. Shpresoj që Thuram ta vendosë ndeshjen, ai është një sulmues modern dhe tashmë i ka bërë për vete tifozët”.
– Çfarë mendoni për Lukaku-n?
“Eh, mos më flisni për këtë. U zhgënjeva. Ai e shpërbleu klubin, shokët e skuadrës, tifozët në mënyrën më të keqe të mundshme”.
