Peter Crouch nuk ka dyshime: Erik Ten Hag po menaxhon situatën te Manchester United siç do të kishte bërë Sir Alex Ferguson.
Dhe jo vetëm në lidhje me çështjen Maguire, tashmë i kritikuar vazhdimisht nga tifozët e Djajve të Kuq dhe të Anglisë
Por edhe për çështjen Sancho, tashmë i përjashtuar nga skuadra e parë pas historisë së njohur të seancave stërvitore “pa përkushtim” që e bënë trajnerin ta lërë jashtë ekipit.
“Po, unë shikoj Ferguson-in tek ai. Me Cristiano Ronaldon, i cili vitin e kaluar u shfry në intervistat me Piers Morgan, ai qëndroi i vendosur. Ai mori një vendim të fortë, të rrezikshëm.
“Ai mund të ishte mbuluar në kritika, por në vend të kësaj ai arriti ta trajtonte shumë mirë rastin e portugezit”.
Dhe jo vetëm CR7:
“Çështja Sancho, e trajtuar edhe më mirë. Unë vërtet nuk jam dakord me lojtarët që dalin me ato deklarata në rrjetet sociale… Këto situata duhen menaxhuar në brenda ekipit. Kur zhvillohen në këtë mënyrë përfundojnë gjithmonë keq.
“Dhe Ten Hag mbeti i fortë, i palëkundur: ai e bëri të kuptonte se kush është në krye dhe kjo është ajo që ka rëndësi. Maguire? Unë kam përjetuar sulme të ngjashme nga tifozët e mi. Është absurde që për një ndeshje të keqe bëhesh lojtari më i keq në botë dhe për një ndeshje të mirë je më i miri nga të gjithë”.
