Dy nga futbollistet e ekipit kombëtar të Spanjës kanë vendosur që të mos kthehen më në ekipin kombëtar, derisa 21 të tjera janë pajtuar që ta përfundojnë bojkotin.
Futbollistet e ekipit kombëtar bojkotuan ekipin kombëtar pas incidentit që ndodhi gjatë festimit të fitores në finalen e Kampionatit Botëror për femra kur presidenti i Federatës Spanjoll, Luis Rubiales e puthi në buzë sulmuesen Jenni Hermoso.
Lajmin e ka bërë të ditur sekretari shtetëror i Spanjës për sport Victor Francos.
Marrëveshja është arritur sot herët në mëngjes. Dy nga lojtaret e ekipit kanë vendosur që të tërhiqen nga ekipi.
Franco-s pas arritjes së marrëveshjes ka thënë se Federate spanjolle e futbollit është zotuar për ndryshime të menjëhershme dhe thelbësore.
Ekipi kombëtar i Spanjës, të premten do të luajë kundër Suedisë dhe më pas të martën kundër Zvicrës, në kuadër të garës së re të UEFA-s për futbollin e femrave, Ligës së Kombeve.
