Jurgen Klopp ka thyer heshtjen e tij për lidhjet me punën e postit të trajnerit kombëtar të Gjermanisë, duke këmbëngulur se ai është plotësisht i përkushtuar për të ndërtuar “Liverpool 2.0”.
Kloppi u shpall si kandidati i mundshëm për të marrë postin e trajnerit të Gjermanisë, pas shkarkimit të Hansi Flickut, pavarësisht se ishte ende nën kontratë me Liverpoolin deri në vitin 2026.
56-vjeçari nënshkroi një marrëveshje të re vitin e kaluar dhe nuk ka ndërmend të largohet nga “Reds”, të cilët kanë shijuar një fillim të fortë në sezonin e tyre të ri në Premierligë.
“Ne po ndërtojmë Liverpool 2.0 këtu, ne duam të sulmojmë përsëri dhe jo vetëm të shikojmë se sa mund të vazhdojmë. Unë kam besnikëri ndaj Liverpoolit”, tha Kloppi duke folur për RTL-në.
“Zemra ime është këtu në Liverpool. Ju nuk mund t’i shkurtoni vetëm tetë vjetët.
Kam nënshkruar një kontratë këtu dhe, me sa mbaj mend, nuk jam droguar ose lidhur dhe më është dashur të nënshkruaj me gojën time, ishte një vendim i lirë. Dhe kjo është arsyeja pse nuk përshtatet”.
Ndërkohë, ish-trajneri i Bayern Munichut, Julian Nagelsmann, thuhet se ka rënë dakord për kushtet për t’u bërë trajneri i ardhshëm i Gjermanisë, pasi u lidh fort me Chelsean dhe Spursin gjatë verës.
Duke folur për emërimin e afërt të Nagelsmannit, Kloppi shtoi: “Unë mendoj se Julian është një zgjidhje e shkëlqyer, sepse ai është një trajner i madh. Do të isha shumë i lumtur për këtë - nëse ndodh kështu”.
