Nuk mund të thuhet se Anderson Souza Conceição, i njohur nga të gjithë si Talisca, ka ndjekur modën “ekzotike”. Ish-sulmuesi i Benfica-s, në fakt e ka parashikuar, ose të paktën e ka jetuar që në orën e parë, pa u penduar.
Duke iu bashkuar Al Nassr që nga viti 2021, braziliani u transferua në Arabinë Saudite pas dy vite e gjysmë në Kinë, te Guangzhou Evergrande, me të cilin fitoi titullin kombëtar në vitin 2019 me Fabio Cannavaro në stol.
Eksperienca plot gola, deri në 43 gola të shënuar në dy sezonet e fundit tek Al-Nassr, ku që nga janari i kaluar Talisca ka krijuar një super dyshe me Cristiano Ronaldo-n falë të cilit tifozët ëndërrojnë të fitojnë sërish kampionatin pas katër vitesh agjërim.
Është për të ardhur keq që e gjithë kjo nuk e ka ndihmuar ende Talica-n të vihet re nga kombëtarja braziliane, me të cilën lojtari nuk debutoi asnjëherë, duke u grumbulluar vetëm dy herë, herën e fundit në vitin 2018. Rastësisht, kur ishte ende duke luajtur në Europë, te Besiktas.
A është “faji” i “mërgimit” në Azi? Kush e di, sigurisht që Seleçao ka shumë alternativa në sulm, por as ndryshimi i drejtimit teknik nga Tite te Fernando Diniz nuk e ka ndryshuar situatën.
Ndonëse i pikëlluar, lojtari vendosi të bënte shaka me këtë duke publikuar një Story ironike në Instagram: “Po filloj të mendoj se nuk jam brazilian” postimi, i plotësuar me emoji argëtues.
Një e qeshur për të mos qarë, pra, ose të paktën për të mos vuajtur shumë. Por Kupa e Botës 2026 është ende larg.
