Bayern Munichi raportohet se mund të tentojë në janar që të transferojë Antonio Rudigerin nga Real Madridi.
Sipas “Defensa Central”, Thomas Tuchel është shumë i etur për të nënshkruar me qendërmbrojtësin gjerman.
Tuchel e konsideron 30-vjeçarin si një përshtatje të përsosur për sistemin e tij dhe ai e dëshiron atë si një zëvendësues të Matthijs de Ligt, i cili nuk duket të jetë i preferuar te “Bavarezët”.
Bayerni thuhet se mund të testojë vendosmërinë e Real Madridit me një ofertë prej 30 milionë eurosh në janar.
Nuk është e qartë nëse kjo do të mjaftonte që “Los Blancos’ të shesin Rudigerin, por nëse ai largohet, një zëvendësim do të ishte absolutisht i nevojshëm.
Ndryshe, Antonio Rudiger ka kontratë të vlefshme me Real Madridin deri më 30 qershor 2026.