Sulmuesi i Rapidit nga Bukureshti, Albon Rahmani ka festuar golin e tij duke bërë me duar shqiponjën, në ndeshjen ndaj Kluzhit (3:1).
Rahmani, i cili së fundi ka debutuar për kombëtaren e Kosovës, ishte autor i dy golave dhe pas golit të dytë në ndeshje festoi duke bërë me duar simbolin e shqiponjës dykrenore.
“Unë jam nga Kosova dhe jam me gjak shqiptari.
Unë do të festoj me shenjën e shqiponjës sa herë që të jetë e mundur dhe dua t’i inkurajoj të gjithë shqiptarët që të bëjnë të njëjtën gjë – tha ai pas ndeshjes.
Kjo festë, e bazuar në shembullin e Xherdan Shaqiri dhe Granit Xhakës, ka ndodhur menjëherë pasi tifozët rumunë kanë dërguar mesazhin “Kosova është Serbi” në ndeshjen kundër kombëtares së Kosovës, ku Rahmani debutoi me kombëtaren.
Kujtojmë se ajo ndeshje u ndërpre, më pas vazhdoi pas pushimit dhe Rumania u ndëshkua rëndë nga UEFA .
Ndërkohë që gjtihka më sipër I ka djegur shumë opinionit serb dhe mediat sportive madje kanë shkuar deri në pikën sa të kërkon dënim për Rahmanin, për gjestin që ka bërë në festimin e njërit prej golave të tij.
