Lajm tronditës nga Argjentina.
Siç ka bërë të ditur Tyc Sports, një tifoze e Rosario Central është vrarë para ndeshjes kundër Newell’s Old Boys.
Sipas dëshmitarëve, gruaja ishte mbi motorin e saj, me fanellën e Rosario Central, kur është goditur me gurë.
Hedhja e gurëve ka rezultuar fatale për tifozen e Rosario-s, e cila duket se është goditur në kokë dhe ka humbur menjëherë jetën.
“Klubi i Atletico Rosario Central është i hidhëruar për vdekjen e tifozes tonë Ivana Paula Garcilazo Bellon dhe dënon kategorikisht çdo akt dhune”, ka shkruar klubi në një komunikatë për shtyp.
