Liverpooli raportohet se vazhdon të jetë i interesuar për Piero Hincapie.
Jurgen Klopp dëshironte transferimin e tij edhe gjatë verës, por që një marrëveshje nuk u arrit dhe lojtari vazhdon të jetë pjesë e Bayer Leverkusenit.
Megjithatë, sipas “Bild”, Liverpooli mbetet i interesuar për mbrojtësin e skuadrës gjermane, me klubin anglez që mund të tentojë transferimin e tij në janar.
Manuel Sierra, agjenti i Hincapie, shpjegoi së fundmi për mediat e Amerikës së Jugut pse një marrëveshje nuk ndodhi në verë, por që mund të ndodhë në afatin e dimrit.
“Liverpooli ishte i interesuar për të, por në atë kohë ata preferuan të investonin në mesfushë.
Ne do të flasim me ta në janar, siç bëjmë me klubet e tjera. Do të jetë për jo më pak se 50 milionë euro”, tha ai për “Futbol sin Cassette”.
“Ne u takuam në muajt janar dhe maj, por nuk kemi dëgjuar nga Liverpool që nga maji. Natyrisht, ne u habitëm që ata u shfaqën papritur me një ofertë. Gjëja e parë që na thanë ishte: ‘
Nesër duhet të shkoni në Liverpool derisa të kaloni një ekzaminim mjekësor’. Si duhet të reagojmë ndaj kësaj kur nuk kemi negociuar, nuk kemi folur dhe nuk kemi parë asgjë që nga maji?”, shtoi Sierra.
Hincapie bëri 43 paraqitje për Bayer Leverkusen sezonin e kaluar, por ka luajtur vetëm 132 minuta gjithsej në të gjitha garat këtë sezon, pasi ai po përpiqet të zë vend në formacionin e titullarëve në ekipin e Xabi Alonsos.
Ai është një lojtar që vepron kryesisht si qendërmbrojtës dhe ka pikat e forta të dueleve ajrore, goditjeve dhe pasimeve të tij nga prapa.
Piero Hincapie ka kontratë të vlefshme me Bayer Leverkusenin deri në verën e vitit 2027. Bazuar në “Transfermarkt”, reprezentuesi i Ekuadorit vlerësohet me 35 milionë euro.
