Trajneri i Fushë Kosovës, Burim Shala, ndeshjen kundër Gjilanit e ka cilësuar si një ndeshje të dobët dhe ka thënë se përgjegjësinë për disfatën në Gjilan, 1:0, e merr ai.
Shala tha se ka bërë ndryshim në skemën e lojës dhe ka dashur të mbrohej më shumë, mirëpo nuk arriti rezultat pozitiv edhe pse kanë rrezikuar për ndryshime.
“Ndoshta është ndeshja më e dobët që e kemi luajtur, më së paku që kemi krijuar, si me lojë ashtu edhe me raste.
Edhe sistemi i lojës ka qenë më defansiv sepse kemi ardhur të mbrohemi dhe t’i presim gabimet e Gjilanit.
Humbjen e marrë personalisht, sepse kam rrezikuar në ndryshimin e sistemit.
Në ndeshjet e kaluara kemi krijuar më shumë dhe kemi dominuar. U mundova ta befasoja kundërshtarin por nuk doli ashtu.
Në aspektin individual, shumica e lojtarëve nuk ishin në formën më të mirë. Këtë fond të lojtarëve e kam zgjedhur vetë me aq sa kemi mundur t’i afrojmë. Kam qenë i kënaqur deri tani me lojë, por jo edhe me rezultate. Në janar mund të ketë transferime të reja”, ka thënë trajneri Shala.