Egnatia e mbylli me fitore fazën e parë të kampionati, duke u renditur në vendin e parë me 19 pikë, por Partizani që ka dy pikë më pak ende nuk e ka zhvilluar ndeshjen e prapambetur me Teutën.
Megjithatë, kjo fazë e parë ka qenë një tregues për forcën e rrogozhinasve, që këtë edicion e thonë me plot gojë se kërkojnë titullin kampion.
Pasi fituan Kupën e Shqipërisë sezonin e shkuar, në Rrogozhinë duan trofeun më të rëndësishëm dhe deri më tani janë në rrugën e mbarë. Në 9 ndeshjet e para kanë pësuar vetëm 2 humbje, me Skënderbeun dhe me Teutën. Ndaj rivalëve të drejtpërdrejtë skuadra e Tetovës ka marrë 4 pikë, duke barazuar ndaj Partizanit e fituar me Tiranën, këtë të hënë.
6 fitore, 1 barazim dhe 2 humbje ndërtojnë një bilanc që mund të konsiderohet pozitiv.
Egnatia, ndonëse një emër jo me shumë histori në futbollin shqiptar, në organikën e saj ka lojtarë me shumë eksperiencë, por mbi të gjitha udhëhiqen nga një sulmues si Raphael Dwamena, i cili ka shënuar 9 gola në 7 ndeshjet që ka luajtur në kampionat.
Ganezi është kthyer në lokomotivën që tërheq skuadrën dhe me të drejtë në Rrogozhinë shpresojmë se ky mund të jetë sezoni i tyre, që pas “Final4” në “Air Albania” të ngrenë lart trofeun e titullit kampion.
