Shqipëria U-19 për vajza është gati për ndeshjet kualifikuese të turit të parë të Euro 2024. Synimi është ngjitja në Ligën A dhe në prag të duelit të parë me Lituaninë ka folur trajneri Kreshnik Krepi.
Për fshf.org ai ka theksuar se gjendja ekipit është e mirë dhe se janë të kënaqur nga angazhimi i vajzave.
“Normalisht që gjendja e skuadrës është shumë e mirë. Me të vërtetë janë tre seanca stërvitore, por kemi bërë edhe dy grumbullime të tjera që na kanë ndihmuar shumë për të arritur edhe të selektojmë pjesën e grupit që është pjesëmarrës në këto eliminatore, ashtu sikurse edhe për të rikuperuar gjendjen fizike dhe disiplinën tekniko-taktike.
Ne pretendojmë që, në raport me kundërshtarët që kemi, të bëjmë një paraqitje shumë të mirë, që e kemi treguar shumë në sezonin e fundit. Kemi shumë kontigjent të re, brezi ka ndryshuar. Pretendojmë të marrim maksimumin e mundshëm, sidomos në ndeshjen e parë ndaj Lituanisë”, u shpreh fillimisht trajneri Krepi.
Në lidhje me pritshmëritë në këto kualifikueset, trajneri i Shqipërisë U19 deklaroi: “Duke parë mobilizimin e vajzave në stërvitje, ne të gjithë si staf jemi shumë të kënaqur. Shpresojmë që të paktën në dy ndeshjet e para të marrim maksimumin e pikëve. Pse jo edhe në ndeshjen e fundit, kundër vendit organizues, që është Zvicra, të bëjmë një paraqitje sa më të mirë”.
Shqipëria U-19 për vajza është pjesë e grupit 1 në Ligën B të kualifikueseve të “Euro 2024”. Në grup me vajzat kuqezi janë Lituania, Qipro dhe Zvicra. Më poshtë kalendari i ndeshjeve.
