Sulmuesi i Milanit, Olivier Giroud, beson se kthimi në Francë mund ta ndihmojë atë t’i japë fund thatësirës së golashënuesve, ndërkohë që ai u pyet gjithashtu për përfundimin e karrierës së tij në Paris Saint-Germain por ka
“Eshtë gjithmonë një ndjenjë e veçantë të kthehesh në Francë. Herën e fundit që kam luajtur këtu kam lënduar pak kyçin e këmbës, por jam i lumtur që jam kthyer në Paris për të luajtur për Milanin.
Sigurisht që u kam dhënë këshilla bashkëlojtarëve të mi sepse e njoh PSG, por nuk do t’jua them medieve. I dhashë këshilla veçanërisht mbrojtësve. Për të luajtur një ndeshje të madhe, gjithçka varet nga uniteti i ekipit: ata janë të mirë në çdo cep të fushës.
E ardhmja? Jam shumë krenar që pata mundësinë të luaj në ekipe të mëdha. Ëndrra ime ishte të luaja në Premier League. Si fëmijë kam qenë gjithashtu një tifoz i madh i Milanit, të luaja me fanelen kuqezi ishte një ëndërr.
Si do të jetë përballja me Mbappe? “E njoh shumë mirë, kemi gati gjashtë vite që luajmë së bashku me kombëtaren.
Të gjithë e njohin talentin e tij të jashtëzakonshëm. Ne e dimë se ai është një nga lojtarët më të mirë në botë, ne duhet të fokusohemi tek ai, por jo vetëm… ata kanë një ekip shumë të fortë”.
“Zero gola? Ne gjithmonë përpiqemi të shënojmë. Si sulmues është shumë e rëndësishme për mua të jem vendimtar për ekipin. Kundër Newcastle ne krijuam shumë, por nuk arritëm të shënonim. Nuk më pëlqen të përdor fjalën ‘vrasës’, por kur kemi mundësi duhet t’i ‘vrasim’.
Në këto ndeshje diferencat janë shumë të vogla. Nuk më pëlqen të flas për veten time, gjithmonë dua ta vë ekipin para gjithçkaje. Unë jam një lojtar ekipi. Kur bëj mirë, është sepse skuadra më ndihmon të bëj mirë.
Jam krenar për këtë Milan edhe pse nuk kemi pikët që mund të kishim marrë. E dimë që dy ndeshjet kundër PSG-së do të jenë të vështira, por të rëndësishme për ne që të shpresojmë të kualifikohemi në fazën e eliminimit direkt".
