Real Madridi dhe Barcelona po bëhen gati për “El Clasicon” e radhës, e cila do të luhet këtë fundjavë.
Por, dy gjigantët spanjollë e kanë rikthyer rivalitetin e tyre edhe jashtë fushës së blertë.
Bëhet fjalë për sulmuesin e Arsenalit, Gabriel Jesus, shkruan mediumi spanjoll “AS”.
26 vjeçari i ka zhvilluar 11 ndeshje këtë sezon deri tash me “Topçinjtë” duke i realizuar 4 gola dhe e ka bërë edhe një asistim në të gjitha garat.
Ish-futbollisti i Manchester Cityt mund të përfundojë në La Liga në verën e vitit të ardhshëm nëse ndonjëri prej gjigantëve spanjollë arrin ta bind atë, por edhe “Gunners”, që e mbajnë kartoni e tij.
Barça e sheh të ardhmen tek sulmuesi Victor Roque, kurse Reali llogarit në Arda Guler.
Por, ndërkohë, po e shikojnë mundësinë e transferimit të një qendërsulmuesi duke e pasur parasysh që “Mbretërit” mbetën pa Karim Benzeman, ndërsa gjiganti katalunas nuk mund të llogarisë gjatë në Robert Lewandowskin, që po shkon drejt fundit të karrierës.