Kategoria Superiore do të startojë sot fazën e dytë të kampionatit, me katër skuadra që do të zbresin në fushë për të kërkuar pikët.
Kukësi pret në shtëpi Vllazninë në orën 14:00, me verilindorët që do të kërkojnë të ruajnë vazhdimësinë e rezultateve në mënyrë që të largohen nga zona e ftohtë e renditjes. Nga ana tjetër, shkodranët duan tre pikët në mënyrë që të jetë në garë për një vend në katërshen finale.
Në orën 17:00, Erzeni pret në Rrogozhinë skuadrën e Laçit.
Shijakasit kanë pasur ulje-ngritje këtë sezon dhe një fitore përballë bardhezinjve do të ishte ajo që do t’i mbante moralin lart. Nga ana tjetër, kurbinasit duan të lënë pas disfatën me Kukësin javën e kaluar dhe të rikthehen menjëherë te tre pikët.
Ndeshjet e ditës:
KUKËSI – VLLAZNIA 14:00 “KUKËS ARENA”
ERZENI – LAÇI 17:00 “ARENA EGNATIA”
