Prishtina 01 ka mposhtur AEL-in e Qipros me rezultat të thellë 8:2 në Ligën e Kampionëve në futsall.
Drilon Maxharraj, Lushi Qerimi, Ylli Mzreku, Arif Limani e Halim Selmanaj me dy gola dhe Ermir Kryeziu, i shënuan golat e fitores për Prishtina 01. Panagiotis Skarparis dhe Rafael Schlemper shënuan për qipriotët.
Kampionia dhe dy herë fituesja e Kupës së Kosovës në futsall aktualisht është në vendin e parë me shtatë pikë në tri ndeshje.
AEL-i është i fundit është pa pikë dhe në “Elite Round” kualifikohet vetëm fituesi i grupit.
Por, kualifikimi i Prishtina 01 në raundin tjetër do të varet nga rezultati i ndeshjes ndërmjet Kauno Zhalgirisit të Lituanisë dhe Kampuksen Dynamos së Finlandës.
Nëse fiton Kauno Zhalgirisi, atëherë do të shikohet goldallimi. Goldallimi i Prishtina 01 është +12, ndërsa Kauno Zhalgiris ka goldallimin +7.