“Çfarë do të bëj kur të dal në pension? Do të udhëtoj, nuk kam dyshime për këtë”, me këto fjalë Carlo Ancelotti ka zgjidhur të gjitha dyshimet për të ardhmen e tij.
Trajneri i Real Madridit ka pranuar vazhdimisht lamtumirën e mundshme nga futbolli si trajner, një mundësi që duket se po afrohet gjithnjë e më shumë.
Siç ka deklaruar vetë Carletto në faqet zyrtare të UEFA-s, idetë për jetën pas tërheqjes janë gjithashtu shumë të qarta.
“Ka shumë vende që nuk i kam parë dhe nuk i kam vizituar kurrë”, ka thënë trajneri: “Po flas për Australinë, por edhe Argjentinën.
“Duke pasur më shumë kohë në dispozicion, shpresoj t’i kem këto eksperienca me familjen time dhe me nipërit e mbesat e mia, meqë ra fjala, kam pesë të tillë. sido që të jetë, nuk jam i shqetësuar se çfarë do të ndodhë më pas.
“Peshkimi? Jo, nuk bën për mua. Unë kam shkuar për peshkim disa herë, por nuk është pasioni im”.
Më pas, Ancelotti foli gjithashtu për një rikthim të mundshëm në Itali pasi të mbaronte karriera e tij:
“Gruaja ime është kanadeze dhe unë jetoj në Vankuver, që është një qytet i bukur. Por së shpejti do të kthehem në Itali. Sigurisht.
“Vendi ku ke lindur, pavarësisht lagështirës dhe mushkonjave në verë, mbetet gjithmonë më i paharrueshmi dhe më i bukuri në botë.
“Edhe pse kam udhëtuar shumë dhe kam parë vende të mrekullueshme, asgjë nuk do të jetë si origjina ime. Ato nuk mund të ndryshojnë kurrë. Për mua, Reggiolo mbetet vendi më i bukur në botë”.
