Azerbajxhani i De Biazit ka fituar me rezultatin e pastër 3-0 me Suedinë.
Skuadra e tij arriti të triumfonte me 10 lojtarë në fushë pasi Mustafazada u ndëshkua me karton të kuq. Kjo është dhe një hakmarrje për Azerbajxhanin pasi duelin e parë u mposhtën 5-0.
Sportal.az raporton se presidenti i Federatës së Futbollit të Azerbajxhanit, AFFA, Rovnag Abdullajev, pas ndeshjes ka folur edhe për fatin e ish-trajnerit të Kombëtares shqiptare në krye të kombëtares azere. Ai iu përgjigj pyetjeve të gazetarëve pas ndeshjes.
“Finalja e kombëtares na gëzoi ne dhe tifozët. Kjo tashmë është një kthesë. Kampionati ynë është shumë interesant. Udhëheqës, në fund të fundit. Ndeshja e sotme është rezultat i kësaj. I përgëzoj të gjithë”, u shpreh fillimisht presidenti i federatës azere.
Sa realiste është që De Biazi të mbetet në postin e trajnerit pas kësaj fitoreje?
Kjo çështje nuk është diskutuar ende. Kjo është puna e Komitetit Ekzekutiv të AFFA.
Është edhe një ndeshje përpara për t’u luajtur. Në vend që të lëvdojmë De Biazin, le t’i urojmë fat që skuadra të luajë mirë në Belgjikë.
Rezultati në Belgjikë do të jetë vendimtar për trajnerin?
Po. Çdo gjë mund të ndodhë. Le t’i urojmë fat ekipit sot, që djemtë të luftojnë mirë me Belgjikën me këtë frymë.
Do të qëndroni sërish në postin e presidentit të AFFA-së në muajin mars?
Do ta shikojmë.
