George Weah nuk është më president i Liberisë. Fituesi i zgjedhjeve (në balotazh) është Joseph Boakai, ish-zëvendëspresident (nga 2006-2018), i cili fitoi 28 mijë vota më shumë se ish-fituesi i Topit të Artë dhe sulmuesi i Milanit.
Një disfatë me pak më shumë se një pikë përqindje (Boakai fitoi 50,89% të votave), por nuk do të ketë rinumërim:
“Rezultatet e shpallura këtë mbrëmje, edhe nëse nuk janë përfundimtare, tregojnë se zoti Boakai ka një avantazh që nuk mund të rikuperohet”, ka pranuar presidenti në largim.
“Është momenti i elegancës në disfatë. Populli liberian ka folur dhe zgjedhja e tij do të nderohet dhe respektohet”, tha ish-i i Milanit, cituar nga “L’Equipe”.
Weah, sipas shtypit liberian, pagoi shtrenjtë për rastet e korrupsionit që përfshinin anëtarë të qeverisë së tij.
“Ju ftoj të ndiqni shembullin tim dhe të pranoni rezultatin. Opozita? Më duhet ta përtyp humbjen”.
