Ngjarjet eksetreme kërkojnë masa ekstreme. Autoritetet franceze duket se e kanë humbur durimin, pas dhunës të kthyer në një normalitet në stadiumet e Ligue 1 në muajt e fundit.
Konfirmimi vjen me vendimin drastik të qeverisë në vend, që ka ndaluar transfertat e tifozëve në pesë ndeshje të kampionatit dhe tre të tjera në Kupë që do të luhen në këtë fundjavë.
Vendimi i firmosur nga Minisitri i Brendshëm francez, Gerlad Darmanin i cilëson këto sfida si me rrezikshmëri të lartë dhe për këtë arsye, tribunat e stadiumeve do të jenë të mbyllura për tifozët miq.
Ky është vetëm fillimi i një politike pa asnjë kompromis nga ana e autoriteteve franceze, pas akteve të dhunshme të javëve të fundit në futbollin në vend.
Ndeshja mes Olympique Marseille dhe Lyon u anulua më 29 tetor, pasi tifozët vendas goditën me sende të forta autobusin e skuadrës mike, ndërsa i plagosur mbeti trajneri i Lyon, italiani Fabio Grosso.
Por ngjarja më e rëndë u shënua javën e shkuar, ku një tifoz i Nantes humbi jetën pasi u godit me thikë përpara ndeshjes kundër Nice.
Vendimi i qeverisë franceze është mbështetur nga aktorët e tjerë lokalë, përfshirë edhe Federatën e Futbollit.
