Futbollistët e Strugës Trim Lum janë në pushim të merituar, pasi fituan vendin e parë në pjesën vjeshtore të kampionatit maqedonas dhe synojnë mbrojtjen e titullit të kampionit.
Trajneri i Struga Trim Lum, Shpëtim Duro, është shprehur i kënaqur me atë që është arritur në pjesën vjeshtore të sezonit.
Ai thotë se garat evropiane ua hoqën energjinë lojtarëve në lojëra individuale dhe se skuadra mund të kishte pasur më shumë pikë nëse nuk do të kishin qenë ato sfida evropiane.
“Epiteti kampion vjeshte psikologjikisht ndikon pozitivisht në pjesën tjetër të kampionatit.
Skuadra jonë ka parametra më të mirë se Shkupi dhe Shkendija dhe kjo tregon se me meritë jemi të parët ku kemi luajtur 27 ndeshje në pjesën vjeshtore të sezonit”, tha Duro duke shtuar: “Të gjitha ndeshjet kanë kuptimin e tyre dhe ne duhet të punojmë shumë në çdo ndeshje për të fituar pikë”.
Ai tha se Shkupi dhe Shkendija do të vazhdojnë të jenë rivalë për titull të Strugës.
“Unë pres që këto dy skuadra të jenë rivalët tanë.
Në pjesën e parë të sezonit ata shfrytëzuan faktin se ne kishim më shumë ndeshje se ata, por ne jemi sërish të parët dhe shpresoj të përfundojmë atje. Pres një betejë mes këtyre tre skuadrave për titull”, tha Duro.
