Në vitin 2014, Liverpooli ishte gati të fitonte sërish Premier League pas 24 vitesh pritje. Skuadra e Brendan Rodgers ishin në krye të renditjes në një betejë pikë për pikë me Manchester Cityn e Pellegrinit.
Megjithatë, dukej se askush nuk mund ta ndalonte Gerrardin dhe shokët e tij, dhe kapiteni historik i Reds ishte gati të ngrinte titullin e tij të parë si kampion i Anglisë.
Megjithatë, në ndeshjen kundër Chelseat në Anfield, rrëshqitja e tij në mesfushë i dha avantazhin bluve, të cilët fituan 2-0, duke dënuar Liverpoolin në vendin e dytë.
Trajneri i Chelseat ishte Jose Mourinho, i cili pas vitesh u kthye për të folur për atë ndeshje në “The Obi One Podcast”.
“Rrëshqitja e Gerrard-it? Ndeshja ishte e kotë për ne, por unë shkova në Liverpul për t’i prishur festën. Ne kishim barazuar me Atleticon në gjysmëfinalen e Champions League, ndeshjen e kthimit e kishim në shtëpi, por në mes ishte kjo ndeshje në Liverpul.
“Për ne ishte e kotë, nuk luanim për asgjë, por ata kishin nevojë për 3 pikë për garën për titull. Ne iu lutëm drejtuesve të kampionatit që ta shtynte ndeshjen të premten ose të shtunën, por askush nuk na dëgjoi.
“Do të ishte e padrejtë të paraqitesha me ekipin Under 18 vjeç, kështu që shkova në Anfield për të prishur festën e tyre. Tashmë kishte fanella dhe flamuj me ‘Liverpooli kampion’ të shkruar mbi to, por nuk mund ta bësh këtë.
“Jo kundër Chelseat. Sigurisht që kam lënë disa lojtarë pushim, por ne luajtëm sikur të luftonim për vendin e parë".
