Futbollistja e kombëtares së Iranit, Melika Mohamadi (23 vjeç), ka humbur jetën në një aksident trafiku.
Siç raportohet, ajo ka qenë në automjet së bashku me bashkëlojtaret e ekipit "Bam Katon", Zahrom Kadjavi dhe Benaz Taherkani.
Fatmirësisht dy pasagjerët e mbetur kanë shpëtuar vetëm me lëndime të lehta
Mohamadi luajti për kombëtaren iraniane në pesë ndeshje.
Presidenti i Konfederatës Aziatike të Futbollit (AFC) Shaikh Salman bin Ebrahim Al Khalifa ka shprehur pikëllimin dhe tronditjen e tij të thellë pas lajmit për vdekjen e parakohshme të lojtares së Kombëtares së Iranit për femra, Melika Mohammadi.
