Morlaye Sylla është lënë jashtë skuadrës së Guinesë për Kupën e Kombeve të Afrikës së ardhshme pasi u përplas me trajnerin e tij Kaba Diawara.
Nuk është hera e parë që diçka e tillë ndodh në historinë e futbollit, por arsyeja është me të vërtetë unike: lojtari fajësoi trajnerin e tij për vjedhjen e fanellës të Vinicius Junior të Brazilit, të marrë nga lojtari i Real Madridit me rastin e ndeshjes miqësore të luajtur qershorin e kaluar mes dy kombëtareve.
Kjo histori u bë e ditur pak orë më parë, kur doli lista e të grumbulluarve dhe thashethemet e ndryshme flasin për një kontroll këmbëngulës në të gjithë dhomën e zhveshjes për të kuptuar se ku kishte përfunduar fanella e vjedhur.
Sylla pagoi çmimin e lartë duke u përjashtuar nga turneu dhe për këtë arsye do të qëndrojë në dispozicion të Arouca, një ekip portugez që luan në Primeira Liga.
Kjo është vërtet një situatë unike dhe për të cilën nuk ka precedentë në të kaluarën: sigurisht që ka pasur mosmarrëveshje midis trajnerëve dhe lojtarëve të ndryshëm, gjë që më pas ka çuar në përjashtimin e këtyre të fundit. Por asnjëherë për një arsye si kjo.
Guinea do të marrë pjesë në turneun kontinental dhe do të përballet me Kamerunin më 15 janar, më pas me Gambian dhe në fund me kampionin në fuqi, Senegalin. Një grup jo shumë i thjeshtë.
Lista e të grumbulluarve
Portierë: Kone, A. Keita, M. Camara.
Mbrojtës: A. Conte, Diakite, Diakhaby, Jeanvier, Camara, Sow, I. Sylla, S. Sylla.
Mesfushorë: Diawara, Konate, N. Keita, Toure, K. Cisse, Kourouma, S. Cisse, A. Camara.
Sulmues: Guilavogui, Bayo, Guirassy, Kante, Kamano, F. Conte.
