Rhys Williams është tërhequr nga huazimi tek Aberdeeni dhe është rikthyer tek Liverpooli. Më poshtë është deklarata e plotë e “The Reds”:
“Mbrojtësi 22-vjeçar është rikthyer në Liverpool pas një përvoje me skuadrën e Premiershipit skocez. Williams, i cili iu bashkua akademisë së “The Reds” në nivelin U10, ka grumbulluar deri më sot 19 paraqitje për skuadrën e Jürgen Kloppit dhe gjithashtu ka kaluar në huazim te Kidderminster Harriers, Swansea City dhe Blackpool”.
Josip Matip dëmtoi rëndë ligamentin e përparmë të kryqëzuar në gjurin e tij të djathtë dhe për pasojë Liverpoolit i duhej një qendërmbrojtës.
Emrat që kanë qarkulluar javët e fundit kanë qenë Lucas Beraldo i Sao Paolos dhe Maxence Lacroix i Wolfsburgut, por asnjëri prej tyre iu bashkua skuadrës së Kloppit.
I pari iu bashkua PSG-së së Luis Enrique-s, ndërsa i dyti ishte i lidhur edhe me Atalantën, por klubi bergamask vendosi të kthejë Isak Hien.
