Tani për tani, pjesëmarrja e Joao Cancelo në Superkupën e Spanjës është sigurisht e rrezikuar.
Testet instrumentale, të cilave lojtari portugez iu nënshtrua në “Ciutat Esportiva” konfirmuan se mbrojtësi vuan nga “një tendosje në ligamentin e brendshëm anësor të gjurit të tij të majtë”, sipas raportit mjekësor.
Një dëmtim i vogël, por mjaft i rëndësishëm për ta lënë pushim për dy deri në tri javë, duke vënë kështu seriozisht në pikëpyetje rikuperimin e tij për Superkupën e Spanjës, që do të luhet në Arabi javën e ardhshme.
Në çdo rast, diagnoza përfundimtare ka qenë një lehtësim në dhomat e zhveshjes blaugrana, pasi gjithçka tregonte për një dëmtim afatgjatë, i cili mund ta kishte mbajtur jashtë fushave për më shumë se një muaj.
Tani për tani, objektivi është rikuperimi i lojtarit për ndeshjet e ardhshme në La Liga.
Me humbjen e Cancelos, tani janë gjithsej 6 lojtarë në infermierinë Blaugrana. Disa prej tyre, si Gavi, nuk do të mund të llogariten më deri në sezonin e ardhshëm, ndërsa të tjerë si Ter Stegen dhe Marcos Alonso, së fundi iu janë nënshtruar operacioneve. Pedri është tashmë në “paradhomë”, por duhet të presim ende disa javë për ta parë atë në veprim.
Rikthimi i Íñigo do të lehtësojë në masë të madhe mungesën e Cancelo, pasi Xavi do të jetë në gjendje të kthehet në linjën prej tre qendërmbrojtësish, Koundé-Araújo-Íñigo, që punoi aq mirë deri në dëmtimin e qendërmbrojtësit bask.
