Erik ten Hag e ka konfirmuar se gjashtë lojtarë të Manchester United do të rikthehen këtë vikend nga lëndimet e tyre për ndeshjen kundër Tottenhamit, ndërsa tha se Anthony Martial nuk është ende i gatshëm.
Lisandro Martinez dhe Casemiro janë ndër lojtarët që do të bëjnë rikthimin e tyre në fushë.
Ndërkaq, për Martial, Ten Hag tha se ai nuk është i gatshëm dhe se është duke u trajtuar nga stafi mjekësor.
“Ai nuk është i gatshëm. Ne duhet ta bëjmë atë të gatshëm dhe është detyra e tij gjithashtu që të përgatitet për ndeshjen e ardhshme. Por momentalisht, ai po merr tretmanin mjekësor dhe ai duhet të rikuperohet”, tha Ten Hag.
