Sevilla vazhdon të vuajë në La Liga, ndërsa bie në shtëpi ndaj Alaves, në takimin e javës së 20-të që u mbyll me rezultatin 2-3.
Ndeshja u zhbllokua në minutën e 26’, me Tenaglia që kaloi miqtë në avantazh. Teksa në minutën e 40’ rrugën drejt rrjetës e gjeti Garcia, i cili dyfishoi avantazhin e skuadrës së tij.
Vendasit provuan të reagonin në pjesën e dytë, më saktë në minutën e 70’ Mir rihapi sfidën, teksa në minutën e 81’ Ocampos barazoi për Sevilla-n.
Megjithatë ndeshja u vulos në minutën e 90’, me Duarte që shënoi golin e tretë dhe të fitores për Alaves.
Pas javës së 20-të të La Liga, Sevilla renditet në vend të 16-të me 16 pikë, teksa Alaves renditet në vend të 13-të me 20 pikë.
