Menaxheri i Barcelonës, Xavi thotë se lojtarët e tij nuk do ta “çmendin” vetën duke u përpjekur të gjejnë një mënyrë për të ndaluar Jude Bellingham në finalen e Superkupës së Spanjës, dhe në vend të kësaj do të fokusohen në zbatimin e “Cruyffism” dhe “Barca ADN”.
Bellingham, i cili ka 17 gola në 23 ndeshje këtë sezon, shënoi dy herë kur Barcelona priti Real Madridin në tetor, duke e tërhequr skuadrën e tij nga pas për të vulosur një fitore 2-1 me një gol në minutën e 92-të.
Ndalimi i Bellingham është dëshmuar i pamundur për shumicën e menaxherëve këtë sezon dhe Xavi ka pranuar se fokusi i tij është të përpunojë një plan loje për Madridin në tërësi, shkruan 90min.com.
“Ne nuk do të fokusohemi vetëm te një lojtar, ose do të bëhemi të çmendur”, tha ai.
“Për Bellinghamin, do të theksoja ndikimin e tij, kapacitetin e tij fizik dhe teknikën e tij. Ai thjesht po bën diferencën duke luajtur në këtë rol të mesfushës sulmuese”.
“Ne kemi dëshmuar se kemi një projekt fitues, por sigurisht që është Real Madridi që është gjithmonë i uritur për trofe. Kam ndjenjën se Madridi bëhet edhe më i mirë kur shohin një skuadër të fortë Barça që mund të konkurrojë kundër tyre. Unë jam super i motivuar për këtë”.
