Erik ten Hag këmbënguli se Manchester United ka nevojë për lojtarë që janë “të uritur për të luftuar për simbolin” për të sjellë sukses të prekshëm në Old Trafford dhe hodhi poshtë idenë se ai është shumë i rreptë si trajner.
Anësori prej 73 milionë funtesh (mbi 84 milionë euro), Jadon Sancho e konsideroi veten të nënvlerësuar në shtator, kur ai u la jashtë skuadrës së Djajve të Kuq për t’u përballur me Arsenalin në shtator, me Ten Hag që zbuloi se e kishte lënë atë për paraqitje të dobët në stërvitje.
Sancho i përshkroi komentet si “plotësisht të pavërteta” në mediat sociale dhe u ndal jashtë skuadrës si rezultat, duke refuzuar t’i kërkonte falje menaxherit holandez.
Që atëherë, ai është rikthyer në Gjermani si huazim me ish-klubin Borussia Dortmund pas një periudhe dërrmuese në Mançester, shkruan 90min.com.
Duke folur përpara ndeshjes së Man Utd në Premier League me Tottenham të dielën, Ten Hag pretendoi se ai nuk është një disiplinor i madh, në vend të kësaj pohoi se ai ka nevojë për lojtarë të gatshëm për ta vënë klubin përpara vetes.
Ai tha: “Nuk ka të bëjë me disiplinën. Ka të bëjë me sjellje normale. Kjo është ajo që mund të presësh nga një profesionist i lartë”.
“Nëse doni të performoni, keni nevojë për lojtarë të uritur. Ju keni nevojë për lojtarë me personalitet dhe që janë të uritur për të luftuar për distinktivin dhe për të luftuar për këtë klub. Dhe ata duhet ta bëjnë këtë në një ekip”.
Sancho bëri një fillim të suksesshëm në periudhën e tij të dytë me Dortmund të shtunën, duke rrëmbyer një asist në fitoren e tyre 3-0 ndaj Darmstadt përpara se të pretendonte se dëshiron të jetë “i lumtur përsëri” pas largimit të tij nga Old Trafford.
Cristiano Ronaldos iu tregua gjithashtu dera e daljes në fund të vitit 2022, pasi zbuloi se nuk e respektonte Ten Hag dhe tani po luan në Arabinë Saudite. Sulmuesi portugez kishte kërkuar të largohej nga klubi në fillim të atij viti.
