Ndeshjet e Superkupës së Italisë që përfundojnë me barazim pas 90 minutave shkojnë direkt në fazën e penalltive, për t’iu dhënë lojtarëve më shumë pushim dhe për t’iu shmangur prishjes së fushës.
Formati i ri i Superkupës së Italisë fillon sot, me kampionin e Serie A, Napolin që përballet me skuadrën e Fiorentinas në gjysmëfinalen e parë të turneut.
Serie A zbuloi në fund të muajit dhjetor të vitit të kaluar se nuk do të ketë vazhdime për ndeshjet që përfundojnë me barazim pas 90 minutave dhe “Gazzetta dello Sport” ka shpjeguar se pse ndeshjet që përfundojnë me barazim pas 90 minutave do të shkojnë direkt në fazën e penalltive.
Të gjitha ndeshjet e Superkupës do të zhvillohen brenda tre ditëve. Gjysmëfinalja e parë është sot, e dyta mes Interit dhe Lazios të premten, dhe finalja është caktuar për të hënën e 22 janarit.
Duke luajtur vetëm 90 minuta në secilën ndeshje do t’i lejonte lojtarët që të jenë më të pushuar, kështu që Serie A vendosi që të shkonte direkt me fazën e penalltive.
