Ish-lojtari i kombëtares kroate dhe anëtari aktual i Besiktasit, Ante Rebic, po kalon momente të vështira në karrierën e tij.
Edhe pse Rebic mbërriti në Besiktas verën e kaluar nga Milani si një yll i madh, ai ra në plan të dytë dhe largimi nga Turqia është një opsion gjithnjë e më i mundshëm.
Trajneri Fernando Santos madje e la Rebicin në stol në ndeshjen e luajtur së fundmi dhe u dha mundësinë dy adoleshentëve dhe klubi ia ofroi skuadrës së fundit të Serisë A, Salernitana.
Megjithatë, një nga skuadrat më të dobëta në pesë ligat e refuzoi pa u menduar shumë për shkak të pagës së lartë dhe produktivitetit të dobët.
“Goditja” e fundit për Rebicin ndodhi dje, pasi Besiktas po mendon të ndërpresë kontratën me të, vetëm një ditë para përfundimit të afatit kalimtar dimëror në ligat top pesë kampionatet më të forta në Evropë.
Edhe pse Rebic kishte një vlerë prej 40 milionë eurove vite më parë, ai tani po turpërohet te skuadra nga Stamboll.
Rebic është në një situatë shumë të vështirë, sepse ai vështirë se do të jetë në gjendje të gjejë një punë të re në një klub nga ligat më të larta kaq shpejt.
Kujtojmë se edhe Rebic ka histori të sjelljeve të këqija, kështu që javët e fundit në Milano u përplas me trajnerin Pioli dhe dihet edhe rasti i vitit 2021 kur u përjashtua nga kombëtarja.
30-vjeçari këtë edicion ka zhvilluar 20 ndeshje te Besiktas, ku ka shënuar vetëm një gol dhe ka asistuar në pesë të tjerë.
