Pas humbjes, ndaj Nottingham Forest e barazimit, ndaj Tottenham, “Djajtë e Kuq” të Manchester United do të zbresin në orën 21:00, në fushën e “Molineux Stadium”, aty ku do të sfidojnë “Ujqërit” e Wolves, në përballjen e vlefshme për javën e 22-të të kampionatit anglez të futbolli, Premier League, ku padyshim objektivi kryesor për “Të Kuqtë” është fitorja.
Sa i përket formacioneve, tekniku i “Ujqërve”, Gary O’Neil i ka rreshtuar të tijët, me formacionin 3-4-2-1, ku në portë është vendosur portugezi, Jose Sa e para tij në mbrojtje Toti, Dawson e Kilman.
Në krahët e mesfushës janë Doherty, Doyle, Lemina e Semedo, ndërsa Matheus Cunha e Pedro Neto janë vendosur pas “bomberit” të vetëm, Jean Bellegarde.
Në krahun tjetër, tekniku holandez, Erik ten Hag i ka pozicionuar në fushë “Djajtë” e tij, me formulën, tashmë të zakonshme, 4-2-3-1, ku në portë është vendosur si zakonisht kamerunasi, Andre Onana.
Në krahët e mbrojtjes janë Diogo Dalot e Luke Shaw, me qendrën që mbulohet nga Varane e Lisandro Martinez.
Para vijës së fundit ndodhen Mainoo e Casemiro, ndërsa Rashford, Bruno Fernandes e Garnacho pozicionohen pas “bomberit” danez, Rasmus Hojlund/
